Kwiindawo apho umntu anokuqhelana okuninzi (ulwazi oluhle malunga nento), uyazi ukuba imeko (okanye indawo) ifanele ukuba njani. Umzekelo, ukuba umntu usebenze kuhlobo oluthile lomsebenzi iminyaka emininzi, kungenzeka ukuba unolwazi ngezixhobo ezilungileyo kunye nezixhobo zokusebenza, ezona ndlela zisebenzayo kunye neendlela ezikhuselekileyo zokulandela, indlela izinto ebezisenziwa ezimbalwa Kwiminyaka eyadlulayo nendlela eziguquke ngayo izinto. Uya kuba nako ukubona ii outpoints ngokulula, njengomntu osebenzisa isixhobo esingalunganga somsebenzi. Kodwa ukuba umntu akanalo nofifi malunga nokuba kwenzeka ntoni na, akanakubona ngokulula ii outpoints (i data yokuba akukho ngqiqo) kuyo.

Ukwazi indlela ebekufanele ukuba yiyo yinto efanayo nokwazi ukuba yeyiphi elungileyo imeko yendawo. Efanelekileyo kuthetha ukuba kufanelekile okanye kubhetele. Ukuba umntu akayazi indawo elungileyo okanye imeko, ngoko ke akanakujonga izinto ngayo ezinga fanelekanga.

Umzekelo, ukuba sithumela umlimi kuhambo ngesikhephe, uya kuba kwindawo angayaziyo. Ngokuvuthuza kancinci (oko kukuthi, ngesantya somoya esi ziimayile ezingama-35 okanye iikhilomitha ezingama-50 ngeyure), iiseyile kunye neentambo zaso ziya kuba zisenza ingxolo kwaye amaza ebetha emva kwenduli (ezantsi nakumacala enqanawa). Ukubona kunye nokuva zonke ezi zinto, umfama uya kuqiniseka ukuba inqanawa sele ilungele ukuzika. Akayiqhelanga indlela ekufanele kuvakala ngayo okanye ikhangeleke ngayo, ngoko ke uyaziphosa ezona outpoints kwaye unokucinga ukuba ii pluspoints zii outpoints.

Kodwa ngomhla ozolileyo kwaye omhle umlimi ubona inqanawa enkulu kakhulu iza ngaphakathi kwamakhulu amahlanu eenyawo kwicala lenqanawa. Inqanawa enkulu iqala ukusondela kwinqanawa umlimi akhwele kuyo, kwaye umlimi ucinga ukuba yonke into intle.

Igosa elinamava elikhwele apho lisenokungxama ngeenxa zonke, lizama ukuphepha ukungqutywa yinqanawa enkulu kwaye umlimi konke anokucinga kukuba igosa lalingena ntlonelo! Kuba umlimi akaqhelananga nolwandle kwaye akanalwazi ukuba uhambo ngolwandle olukhuselekileyo lunjani, ebengayi kuba nakho ukubona ii outpoints zoqobo ngaphandle kokuba atshone. Ukanti umatiloshe onamava ngumntu oqhele yonke into malunga neenqanawa kunye nokuhamba ngenqanawa. Uyazibona ii outpoints nezinto ezincinci zokuba akukho ngqiqo.

Kwelinye icala, ukuba umatiloshe wayeye kwifama, ebengayukubona nokuba besikhona isifo esichaphazela ingqolowa (ngoko ke ingqolowa ibingayi kuthengiswa kwaye ifama ibingayi kwenza mali ngengqolowa). Wayengayi kubona ukuba kuvulwe isango (umzekelo, ukuvumela iinkomo okanye ezinye izilwanyana ukuba zibhadule zilahleke). Umatiloshe akazukubona naziphi na ii outpoints kule fama, kodwa umlimi wayezakuzibona ezi zinto kwaye ayazi kwangoko ukuba ifama ikwimeko embi kangangokuba ayizukukwazi ukuqhubeka nokusebenza.

Umgaqo ngulo:

UMNTU KUFUNEKA ABENAYO INDAWO ELUNGILEYO ANOKUTHELEKISA KUYO ISIMO ESIKHOYO.

Ukuba abaqeshwa abanalo ulwazi lwento eyenzekayo kwintlangano yokwenyani kunye nendlela ekufuneka isebenze ngayo, bayakuziphosa ii outpoints ezibonakalayo.

Umzekelo woku kwenzeka xa umphathi olawulayo onamava etyelele umbutho uzama ukukhombisa phandle abaqeshwa abatsha (abangena lwazi okanye abaqhelanga nto malunga nombutho) ukuba yintoni engalunganga kulo mbutho. Balungisa oko athi mabakwenze (ngelixa besenza ngathi abafuni), kodwa emva koko bayayeka ngalamzuzu esimka. Kuba abanalo ulwazi nokuqhelana okanye nantoni na efanelekileyo yombutho ogqibeleleyo, aba baqeshwa batsha bayinto nje ababoni nto iphosakeleyo okanye nantoni na elungileyo!

Iziphumo zoku kukuba akukho ngqiqo. Ungabona umphati olawulayo engaqeqeshwanga egxotha bonke abantu abanemveliso elungileyo kwaye azise amavila okanye abantu abangenaxabiso bahlale. Efanelekileyo kuye ingangumbutho ozolileyo, masitsho. Ke ugxotha nabani na ongxolayo okanye oxelela abanye abantu ukuba mabasebenze. Akawahoyi amanani. Akazihoyi izinto afanele aziqaphele kuba enolwazi olungelulo kwaye engaqhelanga ukuba indawo efanelekileyo kufuneka ibenantoni.

Iimpazamo Zokujonga

Xa indawo ingaqhelekanga, umntu kufuneka akhangele nzima ukuze aqonde izinto. Ubabonile abakhenkethi besenza le nto. Ukanti umntu ohleli apho ixesha elide “uyabona” kakhulu kunokuba abakhenkethi besenza ngelixa yena ehamba ngqo endleleni.

Kulula ukubhidisa inyani engaqhelekanga kunye “nenyani ebalulekileyo.” “Yayilusuku olufudumeleyo ebusika” mhlawumbe kungaqhelekanga, kodwa kuyinyani esebenzayo kuphela xa kuvela phandle ukuba yonke into yayingumkhenkce ngaloo mini okanye yabonisa ezinye ii outpoints.

Uninzi lweempazamo ekujongeni zenziwa kuba umntu engenalwazi lwendawo okanye akaqhelanga ngayo.

Nangona kunjalo ikhona eminye imithombo yeempazamo.

“Ukuba n’okusengqiqweni” ngumoni oyintloko. Okusengqiqweni kuthetha ukuba umntu uzama ngamandla ukwenza ulwazi kuba akukho ngqiqo okanye iimeko zibonakalisa ingqiqo ayicingayo, ethintela okanye ezimisele ukwamkela izizathu ezibubuxoki zokuzicacisa. Abantu bacinga ukuba into ilungile, njengokucinga ukuba kukho into ethile, umzekelo, endaweni yokubona ukuba ngokwenene ilahlekile. I datum yobuxoki kucingwa ikhona kuba ulandelelwano alulunganga okanye kunenyathelo elilahlekileyo.

Umzekelo, kukho ibhokisi kwiqonga lemidlalo bhanyabhanya ukubeka itikiti lakho xa ungena kwindawo yemidlalo yeqonga, kodwa umntu oqhele ukuthatha ithikithi kuwe akakho. Oku akuqapheleki kwaye abantu bacinga ukuba kulungile ebusuku ngokulula ukubeka amatikiti ebhokisini. Kodwa kuvela phandle ukuba umntu othatha amatikiti uhambe kade kwaye isiphumo soko kukuba abanye abantu bangene nje. Abakhange bathenge itikiti kwaye bangena nje kwindawo yemidlalo yeqonga ngaphandle kwalo.

Kuyamangalisa ukuba abantu bamkela ngokulula njani ezi nkcukacha zicingelwayo ezingekhoyo kwaphela. Kungenxa yokuba k’ulandelelwano akukho ngqiqo alukhululekanga. Ukwenza ukungakhululeki kube kuncinane, batshintsha abakubonayo ngokungakhathaleli i outpoint kwaye baphethe ngenye into.

Ukujonga Ngokuchanekileyo

Kukho iimeko ezithile eziyimfuneko zokujonga ngokuchanekileyo.

Okokuqala yindlela ukuqonda, ukujonga okanye ukuva, njalo-njalo, ngokusebenzisa imizwa. Oku kunokwenzeka nokuba kunxibelelwano kude (umzekelo, ngokufunda, ukuva okanye ukubona into ethunyelwe kwenye indawo) okanye ngokukhangela ngokuthe ngqo, imvakalelo, namava.

Okwesibini efanelekileyo yokuba imeko okanye indawo kufuneka ibe njani.

Okwesithathu kukuqhelana nendlela ezinje ngayo izinto xa izinto zihamba kakuhle okanye xa zingahambi kakuhle.

Okwesine kukuqonda ii pluspoints (ukulunga) xa zikhona.

Okwesihlanu kukwazi ii outpoints (zonke iindidi) xa zivela.

Okwesithandathu kukukhawuleza ukubanako ukuhlalutya i data.

Okwesixhenxe ukubanako ukuhlalutya imeko.

Okwesibhozo kukuzimisela ukuhlola indawo enezona outpoints ngakumbi ucokisise.

Ke umntu kufuneka abe nolwazi kunye nengcinga efanelekileyo ukuphatha.

Umntu unokubiza oku kungasentla umjikelo wokujonga. Ukuba utsala umnxeba uphatha inombolo yethoba, iya kuba ngu Mjikelo wo Lawulo. Umjikelo uthetha onke amanyathelo ukusuka ekuqaleni ukuya ekugqibeleni kwesenzo.

Ukuba umntu uqeqeshiwe ukuba aqonde konke ukwahluka kwe outpoints (akukho ngqiqo) kwaye afunde ulwazi olufanelekileyo kunye nokufumana ulwazi ngendawo okanye uhlobo lwendawo, ukubanako kwakhe ukujonga nokubamba izinto kuya kuqwalaselwa nje ngokona kuphakamileyo ukugqwesa.