Ho na le mohato o le mong hape kamora Lenaneo la Tlhwekiso ho fihlella phodiso e felletseng ho dithetefatsi.

Tokoloho e felletseng diphellong tse mpe tsa dithetefatsi e hloka hore motho a sebetsane le ditshwantsho tsa monahano ho tloha ho tshebediso ya dithetefatsi. Lenaneo la Tlhwekiso le hlakola masalla a dithetefatsi a bolokang ditshwantsho tsa monahano ho restimulation. Empa ditshwantsho di ntse di le teng. Di ka restimulated ka temoho ya tikolohong ya motho mme di ba le ditlamorao tse mpe ho motho. Sena se ka etsahala ntle le taolo ya hae le ka tlase ho tlhokomediso ya hae. E ka mo utlwisa bohloko ka tsela e sa bonahaleng, ka sesosa se ipatileng ho yena.

Processing e sebetsanang le ditshwantsho tsena e bitswa Rundown ya Dithetefatsi. Ho fanwa ka yona ke ditsebi tse kwetlisitsweng haholo ho Dikereke tsa Scientology le Thomo.

Rundown ke letoto la mehato ya ho sebetsana le karolo ya bophelo ba motho kapa mathata a hae mme e nang le sephetho se tsebahalang. Sephetho sa Rundown ya Dithetefatsi ke tokoloho diphellong tse mpe tsa dithetefatsi, alkohol le meriana le tokoloho ho tloha ho tlhoko ya ho di sebedisa.

Temoho ya motho le direkoto tsa bokahohle ba tlhaho ha dithetefatsi di sa nepahala kaha e le motswako wa diketsahalo tse fetileng, monahano le diketsahalo tse etsahetseng ka nako eo. Motho a ka ba le ditshwantsho tse tswang diphihlellong tse fetileng tse kopaneng le ditemoho tsa hae nakong ya jwale. Ka hona, mohopolo wa hae le bokgoni ba hae a ho nahana di tlase haholo kamoo di ka kgonang ebile di lokela ho ba jwalo.

Rundown ya Dithetefatsi e sebetsana le tshebediso ya dithetefatsi nakong e fetileng ka mekgwa e mengata. Taba ya pele, ho sebediswa tsamaiso e nepahetseng ho sebetsana le diphihlelo tseo motho a bileng le tsona ha a ntse a sebedisa dithetefatsi. Sena se lokolla tlhokomelo e ileng ya tshwarella diphihlellong tseo.

Ha tlhokomelo ya motho e lokoloha haholwanyane diketsahalong tse fetileng, o kgona ho sebetsana le bophelo ba hae haholwanyane. O ikutlwa a kganya, o matlafaditswe ke temoho, o na le taolo ya bophelo ba hae le dintho tse tikolohong ya hae, mme o kgona ho phedisana hantle le batho ba bang.

Motho ya sebedisang dithetefatsi o boetse o na le maikutlo a mangata a sa thabiseng mmeleng, maikutlong le kelellong a amanang le tsona. Nakong ya Rundown ya Dithetefatsi o fumana le ho hlahloba mohlodi wa tsena. Matla a kotsi kelellong a amanang le bona a lokollwa.

Qetellong, motho, ka processing, o kgona ho fumana lebaka la nnete leo a ileng a qala ho sebedisa dithetefatsi. Motho o ile a qala ho sebedisa dithetefatsi ka lebaka—a mang a ho utlwa bohloko mmeleng kapa ho hloka tshepo. Ka hona, bothata ba dithetefatsi ke ba moya. Motho eo o ne a utlwa bohloko ka tsela e itseng mme dithetefatsi e ile ya fetoha tsela ya ho kokobetsa bohloko bona.

Motho eo o ne a sheba dithetefatsi, jwala kapa meriana e le pheko ya maikutlo kapa maemo a sa batleheng—a ka kenyang lethathamo la dintho le sa feleng ho tloha bohlokong ba mmele ho isa ho ho tshwenyeha le ho hloka boitshepo. Motho o lokela ho tseba hore na ha e le hantle ho ne ho fosahetse eng pele dithetefatsi di e ba tharollo kapa “pheko.”

Haeba lebaka la ho sebedisa dithetefatsi sebakeng sa pele le sa fumanwe, tlhoko eya ho sebedisa dithetefatsi kapa meriana kapa jwala e ntse e le teng. Processing ho Rundown ya Dithetefatsi ha e sebetsane feela le ditlamorao tsa dithetefatsi, empa ho thusa motho ho fumana le ho tlosa disosa tse entseng hore a di sebedise pele. Ka ho etsa sena e tlosa ka botlalo takatso leha e le efe eo a ka beng a ntse a tlameha ho e sebedisa kapa ho itshetleha ka dithetefatsi nakong e tlang.

Rundown ya Dithetefatsi e sebetsana le ho lokisa maikutlo a sa batleheng ao motho a neng a ena le ona Nakong le pele ho tshebediso ya dithetefatsi, jwala kapa moriana. Ka ho phethela processing le sena, motho o se a se na ditlamorao tsa dithetefatsi.

Ho fola ka botlalo ho tloha tsietsing ya kelello le ya moya ya tshebediso ya dithetefatsi tsa nakong e fetileng ho hloka kaofela mehato ena.