Tokiso ya dintho tse sa fosahalang ebe ho hlokomoloha dintho tse sa nepahalang ho tla tlisa ho hloleha hwa mokgatlo kapa tswelopele efe kapa efe.

Patlisiso e nepahetseng ke tsebo ya bohlokwa eo o lokelang ho e tseba e le hore o nke bohato bo bohlale ho lokisa ho hong.

Toka e Hatellang

Toka e bolela ditsamaiso tsa molao tse nkilweng ke mmuso kapa mokgatlo ho motho ha a sa etse dintho ka boitshwaro kapa a roba molao.

Ha toka e sa tsamaye hantle dintho tse etsahetseng ke:

1. Tshebediso ya toka bakeng sa sepheyo se seng ho fapana le polokeho ya sechaba, jwalo ka ho boloka ditabatabelo tsa sehlopha se nang le matla kapa e tsepamisitsweng kgethollo e itseng kapa mohopolo ka motho kapa ntho e itseng.

2. Tsamaiso ya patlisiso o tloheletsweng.

Tshenyo yohle le tshebediso e mpe ya matla a toka e etsahala ka lebaka la tsena.

Ka dinako tse ding batho ba etsa dintho hobane ba hloile motho e mong kapa ntho e itseng ebe ba e bitsa “toka” kapa “molao le taolo.” Ke ka hona o ka reng ka nnete hore sechaba sa rona kajeno se ke ke sa tsheptjoa ka toka.

Dintho tse joalo di tlisa ho se tsotelle ha mekgwa ea dipatlisiso tse bohlale. Leha ho le jwalo, katleho ea sehlopha leha e le sefe e itshetlehile ka mekgwa e nepahetseng ya dipatlisiso e entsweng ka mokgwa o hlokolosi le o bohlale. Ke ka tsela eo feela o ka fumanang disosa tsa nnete tsa maemo a mabe. Feela ka ka ho fumana hore na disosa di hokae o ka kgonang ho etsa ho hong ka hona.

Ke ntho e le nngwe hore otsebe ho ela hloko. Ke ntho e nngwe hape ho sebedisa dipatlisiso ho fumana lebaka la boemo bo seng bo le teng.

Ditatellano

Ho etsa dipatlisiso ho bohlokwa ha o bona outpoints kapa pluspoints.

Dipatlisiso di ka hlaha ka lebaka la ho batla ho tseba letho kapa ka lebaka la ho ba le thahasello ntho e itseng. Di ka etsahala hape ho fumana sesosa sa pluspoints.

Ho sa kgathaletsehe hore lebaka ke lefe la patlisiso, ketso ya ho fuputsa ho hong e etswa ka tatellano e latelang.

Haeba motho a sa khone ho latela tatellano ya diketsahalo kapa diketso ka kelellong, a ke ke a kgona ho etsa dipatlisiso ka mokgwa o nepahetseng.

Outpoint ya tatellano e fetotsweng ke tshitiso ya mantlha ya dipatlisiso.

Ha o qala ho sheba, outpoint ya data e tlohetsweng e ka bonahala e le yona thibelo. Empa nneteng ya sebele data e tlohetsweng ke setlhahiswa sa dipatlisiso mme e etsa hore monyetla wa hore dipatlisiso di tswele pele ho fihlela qetellong—o batla data e sa tlohetsweng.

Tatellano e fetotsweng ya diketso e hlola dipatlisiso leha e le life. Mohlala, motho e mong o re “Re tla mo fanyeha ebe re ba le nyewe.” Kapa “Re tla nka hore na ke mang ya entseng tlolo ya molao ebe re fumana bopaki ba ho paka.” Kapa “Tlolo ya molao e lokela ho etswa ka boomo ho fumana hore na ke mang ya e entseng.” Sena se etsa dipatlisiso ka morao. Nako le nako ha ho etswa patlisiso ka tsela e morao tjena, e ke ke ya atleha.

Kahoo haeba motho ea etsang dipatlisiso a na le bothata bofe kapa bofe kaboyena ka ho bona kapa ho etsa mehopolo ka kelellong ya hae ya tatellano ya diketso, o tla tla le karabo e fosahetseng.

Ha o bona hore ho na le motho ya tlileng le karabo e fosahetseng kapa e sa fellang ea bothata bo itseng, o ka nahana hore motho ya etsang dipatlisiso o na le bothata ka tatellano ya diketsahalo kapa, ehlile, ha a ka a etsa dipatlisiso.

Ha ho na motho ya ka dumelang hore dithektifi Sherlock Holmes ya iqapetseng o kile a re, “Ke na le setshwantsho sa menwana ya Monghadi Murgatroyd ho sebetsa sa polao. E re mapolesa a mo tshware. Joale Watson, mphe khalase e hodisang mme o kopa Detective Doherty hore a re shebe difaele tsa menwana ya matsoho.” Ona ke mohlala o mong wa dipatlisiso tse morao.

Kahoo ha motho a sa kgone ho bona ka leihlo la kelello (setshwantsho) letoto la diketso, jwalo ka bolo e theohelang ditepisi, kapa haeba motho a sa kgone ho tsamaisa diketso tse fapaneng tse ka tatellano le ntho e le ngwe ka tatellano e nepahetseng, a ke ke a kgona ho etsa dipatlisiso.

Haeba motho a kgona, o tla atleha ho hobatlisisa ho hong.

Dipatlisiso

Ntlafatso yohle ya bophelo e itshetlehile ka ho fumana pluspoints le hobaneng le ho di matlafatsa (ho di matlafatsa) le ho fumana dintlha le ho fumana outpoints le ho fumana hore na hobaneng di tloswa.

Ona ke mokgwa o atlehileng wa ho pholoha. Motho ya dulang sechabeng se morao jwalo ka moru wa Amazon ya tlang ho phela o etsa jwalo feela. Rasaense ya tsebang kgwebo ya hae le yena o etsa jwalo.

Mohlala, mona ke tatellano e latelang pluspoint: Motshwasi wa ditlhapi o bona makgwaba a lewatle a bokanetse ntlha e itseng lewatleng. Seo ke qalo ya tatellano e kgutshwanyane, ntlha ya pele. O bolela esale pele hore ke sekolo sa tlhapi, e leng ntlha ya bobedi. O sesesetsa moo jwalo ka ntlha ya boraro ya tatellano. O sheba tlase jwalo ka ntlha ya bone ya tatellano. O bona ditlhapi e le ntlha ya bohlano. O ntsha letlowa e le ntlha ya botshelela. O potoloha sekolo ka letlowa, palo ya bosupa. O hula letlowa, palo ya borobedi. O tlisa ditlhapi ka sekepeng, palo ya borobong. O ea koung, palo ya leshome. O rekisa dihlapi, palo ya leshome le motso o mong. Seo se latela pluspoint—lesihla la makhwaba a lewatle.

Mme mohlala o mong, tatellano e tla qala ho outpoint e ka ba: Mosadi wa ntlo o tshola dijo tsa mantsiboya. Ha ho motho ya jang kuku,palo ya pele. Oa e latswa, palo ya bobedi. O lemoha sesepa ho yona, palo ya boraro. O ya kichineng, palo ya bone. O sheba ka hara khabote, palo ya bohlano. O fumana lebokose la sesepa le kokotilwe, e le palo ya botshelela. O bona phofo e ka tlase ho yona, palo ya bosupa. O bona hore sekotlolo sa dikuku ha se na letho, palo ya borobedi. O tshwara mora oa hae e monyane, palo ya borobong. O mo bontsha seo a se fumaneng, palo ya leshome. O fumana boipolelo, palo ea leshome le motso o le mong. Mme palo ya leshome le metso e mmedi e bohloko haholo ho e hlalosa.

Tse Sibollwang

Dintho tsohle tse sibolotsweng ke sehlahiswa sa tatellano ya diketso tsa ho etsa dipatlisiso tse qalang ka pluspoint kapa outpoint.

Ka hona tsebo yohle e qala ka pluspoints kapa outpoints tse bonwang.

Mme tsebo yohle e itshetlehile ho bokgoni ba ho etsa dipatlisiso.

Mme dipatlisiso tsohle di etswa ka tatellano e nepahetseng.

Mme katleho yohle e itshetlehile hodima bokgoni ba ho etsa dintho tsena.