Dibakeng tseo motho a tlwaelaneng haholo le tsona (tsebo e ntle ka ho hong), o tseba hore na ketsahalo (kapa sebaka) e lokela ho ba jwang. Mohlala, haeba motho a sebeditse mofuta o mong wa mosebetsi ka dilemo tse ngata, mohlomong o tlwaelane le disebediswa le thepa tse loketseng ho sebediswa, mekgwa e sebetsang ka ho fetisisa le mekgwa e bolokehileng ya ho latelwa, hore na dintho di ne di etswa jwang dilemong tse fetileng le hore na dintho di fetohile jwang. O tla kgona ho bona outpoints habonolo, jwalo ka motho ya sebedisang sesebediswa se fosahetseng bakeng sa mosebetsi. Empa haeba motho a sa tlwaelane le hore na ketsahalo e tlameha ho ba jwang, a ke ke a bona habonolo outpoints (data e sa utlwahaleng) tse hlahang ho yona.

Ho tseba hore na ketsahalo e lokela ho ba jwang ho tshwana le ho tseba hore na ketsahalo e lokileng sebakeng seo ke efe. Se loketseng se bolela se phethahetseng kapa se ka kgonehang. Haeba motho a sa tsebe sebaka se loketseng kapa boemo bo loketseng, ha a na ho bona dintho tse sa lokelang.

Mohlala, haeba re ka romela sehwai leetong la ho sesa, o tla be a le sebakeng seo a sa se tlwaelang. Ka ho foka ho bonolo (ke hore, ka lebelo la moya wa dimaele tse 35 kapa dikhilomithara tse tse 50 ka hora), dikepe le diropo tsa tsona di ne di tla teba mme maqhubu a be a otla sekepe (bokatlase le mahlakore a sekepe). Ha a bona le ho utlwa dintho tsena tsohle, sehwai se tla ba le bonnete ba hore sekepe se se se le haufi le ho teba. Ha a tlwaela hore na e tlameha ho utlwahala kapa ho shebahala jwang, kahoo, o fetwa ke outpoints tsa nnete ebile o nahana hore pluspoints ke outpoints.

Empa ka letsatsi le kgutsitseng le le letle sehwai se bona sekepe se seholo haholo se fihla kahare ho maoto a makgolo a mahlano ka lehlakoreng la sekepe sa hae. Sekepe se seholo se qala ho atamela le haufi le sekepe seo sehwai se leng ho sona, mme sehwai se nahana hore tsohle di ntle.

Ofisiri e nang le boiphihlelo ka sekepeng e kanna ya potlakela, e leka ho qoba ho thulwa ke sekepe se seholo mme sehwai se ka nahana hore ofisiri ha e na mekgwa e metle! Kaha sehwai ha se tlwaelane le lewatle ebile se se na hore na ho loketseng hore na sekepe se tsamayang hantle, se sireletsehileng se ne se tla ba jwang, o ne a ke ke a bona outpoints tsa nnete ntle le ha a nwella. Empa mosesisi ya nang le maiphihlelo ke motho ya tlwaetseng dintho tsohle ka dikepe le ho sesisa dikepe. O lemoha outpoints tse hlaloswang esita le dinthong tse nyane tse sa utlwahaleng.

Ka lehlakoreng le leng, haeba mosesisi wa sekepe a ne a le polasing, o ne a tla fosa ka ho felletseng hore ho na le lefu le amang koro (ka hona koro e ke ke ya khona ho rekiswa mme polasi e ke ke ea etsa chelete ya koro). O ne a ke ke a bona hore heke e bulehile (mohlala, ho dumella dikgomo kapa diphoofolo tse ding hore di tsamaye di lahlehe). Mosesisi wa sekepe o ne a ke ke a bona outpoints leha e le dife polasing ena, empa rapolasi o ne a tla bona dintho tse tshwanang mme o ne a tla tseba hanghang hore polasi e be le boemo bo babe hoo e ke keng ya kgona ho tswela pele ho sebetsa.

Molao ke:

MOTHO O LOKELA HO BA LE SEBAKA SE LOKETSENG SEO A KA BAPISANG KETSAHALO E TENG.

Haeba basebetsi ba sena mohopolo oa se etsahalang ho mokgatlo wa nnete le hore na o lokela ho sebetsa jwang, o lahlehelwa ke outpoints tse hlakileng.

Mohlala wa sena o etsahala ha motsamaisi ya nang le boiphihlelo a etela mokgatlo a leka ho supa ho basebetsi ba bacha (ba sa tsebeng letho ka mokgatlo kapa ho tlwaela mokgatlo) ho leng phoso ka mokgatlo. Ba lokisa seo a reng ba se etse (ha ba ntse ba iketsa eka ha ba batle), empa ba emisa motsotso oo a tlohang ka wona. Kaha ha ba na tlwaelo kapa mokgwa o lokileng wa mokgatlo o phethahetseng, basebetsi bana ba bacha ha ba bone letho le fosahetseng kapa le nepahetseng!

Diphello tsa sena ka bo tsona ha di utlwahale. O ka bona motsamaise ya sa kwetliswanga tebela batho kaofela bao e leng bahlahisi ba lokileng empa a tlohela hore batho ba botswa ba senang mosola ba dule. Seo a se batlang e ka ba mokgatlo o kgutsitseng, a re re. Kahoo o tebela mang kapa mang ya lerata kapa ea bolellang batho ba bang hore ba lokela ho sebetsa. O hlokomoloha dipalo. O hlokomoloha dintho tseo a lokelang ho di sheba hobane feela a se na mokgwa o nepahetseng ebile a sa tlwaelane le sebaka se loketseng se na le eng.

Ela Hloko Diphoso

Ha ketsahalo e sa tlwaeleha, motho o tlameha ho shebe ka thata hore a hlokomele dintho. O hlokometse bahahlaudi ba etsang sena. Empa motho ya dutseng moo nako e telele “o bona” ​​ho feta kamoo bahahlaudi ba e bonang leha a ntse a tsamaya ka kotloloho tseleng.

Ho bonolo ho kopanya taba e sa tlwaelehang le “ntlha ya bohlokwa.” “E ne e le letsatsi le futhumetseng bakeng sa mariha” e kanna ea e ba ntho e sa tlwaelehang, empa ke ntlha ya bohlokwa ha ho hlaha hore ehlile ntho e nngwe le e nngwe e ile ya hwama ka letsatsi leo kapa e bontshitse outpoint tse ding.

Boholo ba diphoso tsa ela dintho hloko di etswa hobane motho a se na sebaka se loketseng bakeng sa ketsahalo kapa ha a tlwaelane le yona.

Leha ho le jwalo ho na le mehlodi e meng ya diphoso.

“Ho utlwahala” ke mofosi ya ka sehloohong. Ho utlwahala ho bolela hore motho o leka ka matla ho etsa tlhaiso-leseding e sa utlwahaleng kapa maemo a utlwahale a nahana, a theha kapa a ikemiseditse ho amohela mabaka a fosahetseng ho a hlalosa. Batho ba nahana hore ho itseng ho nepahetse, jwalo ka ho nahana hore ho na le ntho e teng, ka mohlala, ho ena le ho bona hore ehlile ha eyo. Datum e fosahetseng e nahanwa hore e ka ba teng hobane tatellano e fosahetse kapa e na le mohato o siyo.

Mohlala, ho na le lebokose sebakeng sa baesekopo ea ho kenya tekete tsa hao ha o kena ka lebaleng la diketsahalo, empa motho ya tlwaetseng ho nka tekete ho wena ha ayo. Sena ha se hlokomelehe mme batho ba nahana hore ho lokile bosiung bona ho beha feela ditekete ka lebokoseng. Empa ho ile ha fumaneha hore ya nkang ditekete o diehile mme ditholwana tsa teng ke hore batho ba ikenetse feela. Ha baa ka ba reka tekete mme ba kena feela ka lebaleng la diketsahalo ntle le yona.

Hwa makatsa hore na batho ba amohela habonolo hakakang data ee e nahannweng e seng teng ho hang. Sena ke hobane tatellano e sa utlwahaleng e etsa maemo a sa thabiseng. Ho etsa hore boemo bo sa thabiseng bo fokotsehe, ba fetola seo ba se bonang ka ho se natse le outpoint le ho phethela ho hong.

Ho ela Hloko ho Nepahetseng

Ho na le maemo a itseng a hlokahalang bakeng sa tlhaiso-leseding e nepahetseng.

Ya pele ke mokgwa wa ho lemoha, ho bona kapa ho utlwa, jj., ka ditho. Sena se ka etsahala ka puisano o le hole (mohlala, ka ho bala, ho utlwa kapa ho bona ntho e rometsoeng ho tsoa sebakeng se seng) kapa ka ho sheba ka kotloloho, ho ikutlwa, hoba le maiphihlelo.

Ya bobedi ke ho loketseng hore naketsahalo kapa sebaka se lokela ho ba jwang.

Ya boraro ke ho tlwaelana le hore na maemo a jwalo a jwang ha dintho di tsamaya hantle kapa di sa tsamaye hantle.

Ya bone ke ho utlwisisa pluspoints(honepahala) ha di le teng.

Ya bohlano ke ho tseba outpoints (mefuta yohle) ha di hlaha.

Ya botshelela ke bokgoni bo potlakileng ba ho sekaseka data.

Ya bosupa ke bokgoni ba ho sekaseka boemo.

Ya borobedi ke ho ikemisetsa ho hlahloba sebaka se nang le outpoints tse hlakileng haholwanyane.

Ebe motho o tlameha ho ba le tsebo le monahano o hlokahalang ho sebetsana.

Motho a ka bitsa se kahodimo potoloho ya ho ela hloko. Haeba emong o bitsa ho tshwara ya borobong, e tla ba Potoloho ya Taolo. Potoloho e bolela mehato yohle ho tloha qalong ho isa qetellong ya ketso.

Haeba motho a kwetliseditswe ho utlwisisa mefuta yohle ya outpoints (tse sa utlwahaleng) mme a ithuta ho fumana se loketseng a itlwaetsa diketsahalo kapa mofuta wa sebaka, bokgoni ba hae ba ho bona le ho sebetsana le dintho bo ka nkuwa bo le botle haholo.