Uthetha kuphela ububanzi ngokubanzi (iingxelo ezinganiki zinkcukacha). “Bathi…,” “Wonke umntu ucinga…,” “Wonke umntu uyazi…” kunye neengxelo ezifanayo zisetyenziswa rhoqo, ngakumbi xa kusasazwa amarhe. Umzekelo, Umntu Ongakufuni Ukwazintlalo usasaza amahlebezi, anjengokuthi, “Akukho mntu uthanda ukuya kulandawo yokutyela; wonke umntu uyithiyile.” Xa ubuzwa “Ngubani wonke umntu?” wenza ngathi ukuba luluvo loluntu luphela. Ngokwesiqhelo kuvela ukuba ngumntu omnye kuphela owathethayo kwaye lomntu omnye nguMntu Ongakufuni Ukwazintlalo.

Umntu onjalo usebenza ikakhulu kwiindaba ezimbi, intetho egxekayo okanye enobutshaba, ukungasebenzi (ukwenza umntu abonakale engalunganga okanye engafanelekanga) kunye nokuxinzelelwa ngokubanzi (iintshukumo ezigcina abanye bephantsi, zibenze basilele, njl. njl.).

Akukho ndaba zimnandi okanye ukuncoma edluliswa ngumntu onjalo.

Umntu Ongakufuni Ukwazintlalo wenza lube mbi unxibelelwano xa edlulisa umyalezo okanye iindaba. Iindaba ezimnandi ziyamiswa kwaye ziindaba ezimbi kuphela, ezihlala zongezwa kuzo, ezidluliswayo.

Umntu onjalo uzenza ngathi udlulisa “iindaba ezimbi,” ezenziwe nguye.

Umntu Ongakufuni Ukwazintlalo uqhubeka ngokuhlala ekhetha ithagethi engalunganga (unobangela wezinto) womsindo wakhe.

Ukuba ivili lemoto yakhe lityhafile kukuqhuba ngaphezulu kwezipikili, aqalekise umntu ahamba naye—umthombo ongalunganga wengxaki. Ukuba unomathotholo wommelwane unengxolo enkulu, ukhaba ikati yakhe.

Ukuba ngu-A unobangela ocacileyo, Umntu Ongakufuni Ukwazintlalo ugxeka u-B okanye u-C okanye u-D.

Umntu Ongakufuni Ukwazintlalo akakwazi ukugqiba iprojekthi okanye isenzo.

Ujikelezwa ziiprojekthi ezingaphelelanga kunye nezinto ezaqalwa zingazange zigqitywe.

Umntu Ongakufuni Ukwazintlalo uxhasa kuphela amaqela atshabalalisayo kwaye ahlasele naliphi na iqela elakhayo okanye iqela elisebenza ukunceda abantu.

Umntu Ongakufuni Ukwazintlalo unombono ombi wokuba ngubani umnini wepropathi kwaye ucinga umbono wokuba nabani na ungumnini wento bubuxoki obenziwa ngenjongo yokuqhatha abantu. Kuye, akukho nto inomnini wayo.