Ho sebetsa kapa ho se sebetse? Eo ke potso. Karabo ho batho ba bangata hase ho se sebetse mme lebaka ke MOKGATHALA O MONGATA. Mokgathala o mongata ho bolela ho ikutlwa o kgathetse haholo kapa o fokola.

Ha o sebetsa ka nako e telele mosebetsing mme o tshwerwe hampe ha o ntse o sebetsa, o ka ikutlwa eka ha o sa kgona ho e etsa. O kgathetse. Le mohopolo wa ho etsa dintho tse itseng wa ho kgathatsa. O leka ho eketsa matla a hao ka ho nwa kofi mme o iqobella ho tsamayela pele hanyane feela. Empa ha o etsa jwalo, ha o nahane ka nepo hobane karabo ya mokgathala o mongata ha e kopane ha kalo le matla, haeba ho na le letho, e etsang ka matla.

Mokgathala o mongata ke taba ya bohlokwa eseng feela ho motho ya sebetsang ho iphedisa, empa hape le ka tsela eo a ikutlwang ka yona.

Scientology e fumane hore motho o fetoha ya nang le bokgoni bo bonyane ha a sa kgone ho sebetsa.

Taba ya mokgathala o mongata ke taba ya batho ba neng ba emisitswe ho sebetsa ka tsela e itseng. Ka mohlala, nahana ka masole a lemetseng le basesisi ba dikepe ba isitsweng sepetlele nakong ya ntwa. Ho ile ha fumaneha hore kamora ho qeta dikgwedi tse mmalwa sepetleleng sa sesole, lesole kapa motsamaisi wa sekepe o qala ho ikutlwa a swabile ebile eka ha a na bokamoso. Ho ka senyeha hoo motho a ka bang a sitwa ho kgutlela ho lwanela naha ya habo. Sena ha se ka baka la hore bokgoni ba hae bo tlase. Ke ditholwana tsa ho lemala le ho se kgone ho etsa letho. Lesole le lemetseng ebe le hlokomelwa sepetleleng se masimong—se behilweng haufi le moo ntwa e etsahalang teng—mme ebe le kgutlisetswa mosebetsing ka nako eo le kgonang ho etsa mesebetsi, le jwalo le tla fumanwa le ntse le itumela mme le itshepa. Ho jwalo, hangata dikotsi tseo a di fumaneng di mo etsa hore a se ke a kgona ho etsa dintho tseo a neng a di etsa kapa ho etsa dintho tseo a neng a nahana hore o nale bokgoni bo botle. Leha ho le jwalo, o maemong a matle ho feta lesole le rometsweng sepetlele hole le ntwa ka boyena. Lesole le romellwang sepetlele hole le ntwa le ntse le bolellwa, ho ya ka tsela eo le nahanang ka yona, hore ha le hlokahale haholo ntweng.

Ho Scientology, ho ile ha fumanwa hore ha o be le mokgathala o mongata hobane feela o sebeditse nako e telele kapa ha boima haholo. Oba le mokhathala o mongata ha o sebeditse nako e telele hoo o seng o qadile ho hopola ho lemala kapa ho opelwa kapa maikutlo a mabe a ileng a bakwa ke ntho e fetileng. Ha sena se etsahala kgafetsa, motho o ikutlwa a sa kgone ho etsa ho hongata, kaha o dula a kgathetse. Ho na le ntlha, leha ho le jwalo, e ka tlase ho mokgathala o mongata. Ena ke ntlha ya ho sa tsebeng hore o kgathetse. O ka tswela pele ho sebetsa le ho sebetsa le ho sebetsa, ntle le ho hlokomela hore o sebetsa ha ha kae, mme ka tshohanyetso o ya wa ka lebaka la mokgathala oo o neng o bile o sa o utlwe. Ha sena se etsahalla motho e mong, o hlotswe ho laola dintho. Qetellong, ha a kgone ho sebetsana le eng kapa eng e shebahalang jwaloka disebediswa tseo a di hlokang ho etsa mosebetsi wa hae kahoo o sitwa ho sebetsa. Motho eo a ka ba le dintho tse ngata tse mpe tseo ba ka di buwang ka yena. A ka bitswa “ya botswa,” a ka bitswa “sethoto,” a ka bitswa “senokwane.” Empa nnete ya taba ke hore ha a sa kgona ho otlolla le ho lokisa bophelo ba hae a le mong ntle le thuso ya ditsebi—ho feta kamoo a kgonang ho theohela bohareng ba Lefatshe.

Ka lehlohonolo, ho na le mekgwa e meng ya ho kgotlisa matla le thabo ya hao ho sebetsa. Di bonolo haholo ebile ho bonolo ho di utlwisisa le ho di etsa.