Hara mefuta e mengata ya assists ho Scientology e kaba thuso ho manonyeletso a atolohileng le lesapo la mokokotlo.

E bitswa Nerve Assist.

KGOPOLO

Methapo e na le ho tshoswa ha ditshusumetso. Ho nyarosa ho jwalo ho lokela ho tsamaya, empa ha e felle ruri. Methapo e fana ka ditaelo ho mesifa. Ka tshusumetso, leqhubu la matla le qala haufi methating ya methapo. Jwale tshebetso ya matla ya fetoha. Sena se fana ka se bitswang maqhubu a emeng. E eme feela moo, ha hona moo e yang.

Ho na le methapo e meholo e leshome le metso e mmedi e theohang lesapo la motho, e pharalla ho tloha lesapo la mokokotlo ka mahlakoreng a mabedi a mahetla le morao. Methapo ena e leshome le metso e mmedi eba makala a manyane a tswang methating ya methapo ya kutlo. Mothapo wa kutlo o ama mesifa mme o, dula o imelwa, a ka hula lesapo la mokokotlo le dikarolo tse ding tsa sebopeho sa mmele ho dintsha madulong.

Nerve Assist e na le tokollo e bonolo ya ho lokolla maqhubu a emeng methating ya methapo ya mmele.

TSAMAISO

1. Etsa hore motho a robale a shebe fatshe.

2. Bolella motho eo hore o tlo etsa Nerve Assist mme o mo hlalosetse ka bokgutshwanyane tsamaiso ena. Mo bolelle hore o tla be o tsamaisa menwana le matsoho a hao hodima dikarolo tse fapaneng tsa mmele wa hae:

“Ke tla be ke tsamaisa menwana le matsoho hodima dikarolo tse fapaneng tsa mmele wa hao.”

3. Ka menwana ya hao e mmedi ya supa, theoha ho tla tlase haufi le lesapo la mokokotlo ka bobedi, ka potlako empa e seng ka matla. Ketso ena e phetwa makgetlo a mang a mabedi.

4. Ebe o fetola ketso ya hao ya qalo, o latela mothating o tshwanang ka menwana ya hao e mmedi ho tshehetsa mokokotlo. Ketso ena e phetwa makgetlo a mang a mabedi.

5. Hona jwale, ka menwana ya hao e hasantsweng jwaloka fene, otlolla methati ya methapo, o sebedisa matsoho ka bobedi ka nako e le nngwe. Otlolla hole le lesapo la mokokotlo le ho ya mahlakoreng a mmele.

6. Kwahela mokokotlo kaofela ka tsela ena (sebetsa ho tloha hodima lesapo la mokokotlo ho fihlela tlase ho lesapo la mokokotlo). Pheta mohato ona makgetlo a mabedi hape.

7. Kgutlisetsa morao tsela ya ho atolla e le hore e kgutlele hodimu lesapong la mokokotlo (o atolla ho tloha mahlakoreng a mmele o lebile lesapong la mokokotlo). Pheta mohato ona makgetlo a mabedi hape.

8. Etsa motho hore a fetohe a robale a shebe hodimo. Ka menwana ya hao e hasantsweng jwalo ka fene, sebedisa matsoho ka bobedi ka nako e tshwanang, tswelapele ho tshwana le methating ya methapo ya kutlo ho leba kapele ho mmele. Kwahela bokapele ba mmele kaofela ka tsela ena (tshebetso ho tloha hodimo ho ya fatshe). Pheta mohato ona makgetlo a mabedi hape.

(Hlokomediso: Ho lateleng methati ya methapo ya kutlo ho potoloha ho leba ka pele mmeleng, otla otlolla ho fihla moo dintlha tsa metsu papisong e bontshitsweng. Methati ya methapo e sebetswang ha e fetele ka nqane ho sefubeng kapa mpeng, ka hona o seke wa otlolla ho pharalla dibaka tsena. Ha ho kamano le matswele a mosadi kapa setho sa botona kapa sa botshehadi.)

9. Kgutlisetsa morao tsela eo ya ho otlolla hona moo mothating wa mothapo. Qalella ho otlolla dintlheng tse bontshitsweng ke disupo tse metsu setshwantsong se ka hodimo, otlolla ho tla ka morao mme o sebeletsa ho ya karolo e kamorao le tshebetso ho ya hodimo kapele mmeleng. Pheta mohato ona makgetlo a mabedi hape.

10. Ebe o mo otlolla ho theoha letsoho ka leng, ka bo nngwe ka nako (makgetlo a mararo ka leng).

11. Ebe o mo otlolla ho theoha leoto ka leng, ka bo nngwe ka nako (makgetlo a mararo ka leng).

12. Etsa motho hore a fetohe hore hape a robale sefahleho se shebile fatshe, ka mpeng. Qala hape ka mohato wa 3.

Assist e etswa ho fihlela motho eo a hlokomela kapa a fumana ka maikutlo a hore o fumana phomolo. A ka ba a ba le boiphihlelo le lesapong la mokokotlo le qala ho kgutlela bodulong, hangata ho tsamaya le modumo o lerotho o hlahang. Mothating ona o lokela ho qeta Nerve Assist.

Nerve Assist e lokela ho phetwa letsatsi le letsatsi ho fihlela maqhubu ohle a emeng a lokoloha.