I Introversion ithetha ukuqwalasela kuwe kakhulu.

Ukujonga Ngaphandle kuthetha ukukwazi ukujonga ngaphandle.

Umntu ojonga ngaphandle ngumntu okwaziyo ukujonga indawo ahlala nasebenza kuyo. Umntu ojonga ngaphakathi ukwazi ukuzijonga yena buqu kuphela.

Umntu okwaziyo ukujonga ilizwe elimngqongileyo alibone linjengoko linjalo kwaye liqaqambile, ukwimo yokujonga ngaphandle. Ngamanye amagama, ungakwazi “ukujonga ngaphandle.” Uyakwazi nokusebenza. Uyazibona izinto ezifuna ukuphathwa kwaye aphethe alawule, nezo zinto kufuneka aziphathe aze azilawule. Kwangelo xesha, angakhetha ukuma aze abukele izinto angenakuzilawula nokubanomdla kuzo.

Umntu ojonge ngaphakathi ngumntu ekusenokuba sesidlule kade isigaba sokudinwa. Uqwalasele kuye (ingqalelo yakhe ikukonzakala kwakudala okukwaziyo ukumenza eve kakubi). Oku kunokuqhubeka ixesha elide de umntu asoloko ejonge ngaphakathi angajongi nangaphandle. Uyakuphepha ukujonga izinto ezibambekayo ezimngqongileyo njengodonga, umgangatho, idesika, iimoto, njl. njl. Abantu kunye nezinto ezimgqongileyo zibonakala ngathi aziyiyo nyani.

Ngoku makhe sithathe owona mbandela womsebenzi. Umsebenzi kukusetyenziswa kwengqalelo kunye nokuthatha amanyathelo kubantu okanye izinto ezisesithubeni.

Xa umntu engasakwazi kujonga ngokuthe ngqo ebantwini okanye kwizinto okanye kwisithuba akuso, uziva enemvakalelo yokungathi “ulahlekile.” Ibangathi uhamba-hamba kwinkungu ethile okanye kwinkungwana. Izinto aziyonyani kuye kwaye akakwazi ukulawula izinto ezimngqongileyo. Ubaneengozi, amashwa nezinto zimjikele kuba akazihoyi okanye azilawule ngokuchanekileyo. Ikamva lomntu onjalo libonakala lilibi kakhulu—libi kangangokuba akakwazi ukujongana nalo ngamanye amaxesha. Lomntu kunokuthiwa ujonge ngaphakathi kakhulu.

Emsebenzini, ingqondo yomntu ojonge ngaphakathi ima kwizinto ezikufutshane kakhulu kuye. Uthathela ingqalelo kwizinto ezisondeleyo kuye anokufikelela kuzo ngezandla zakhe, njengezinto zokubala, iincwadi, iikhompyuter, umnxeba ophathwayo, njl. njl. Oku kuyayisusa ingqalelo yakhe ekujongeni ngaphandle kwaye kumenza ngoku ajonge kwindawo ekufutshane nobuso bakhe. Ingqondo yakhe iyema. Ukuba izinto asebenza ngazo ziyafana nokwenzakala okanye ukutyandwa kwakhe okuthile kwakudala, usenokukhumbula inkumbulo ezimbi—emva koko eve iintlungu nokugula kunye nemvakalelo yokudinwa okanye yokungabinathemba awayenako ngexesha lomonzakalo. Njengoko ingqondo ihlala ime kule ndawo yobomi bakhe, udla ngokuqala ukujonga kuphela kwiingozi zangaphambili kunye namaxesha amabi awakhe wajongana nawo, nokuba akasebenzi.

Masithathe umntu osebenza njengomphicothi zincwadi zenkampani. Usoloko ejonge iincwadi kunye neekhompyuter kunye neziqwengana zephepha kumgama osisigxina emehlweni akhe. Emva kwethuba, ubona kuphela izinto ezikufutshane naye aze ufune iiglasi zamehlo ukuze azibone ekude. Amehlo akhe anamathela lula kwindawo ekumgama othile. Ke, njengoko elungisa ingqalelo yakhe apho, uqalisa ukurhoxa nakulo ndawo de kuthi, emva kwethutyana, ukubona kwakhe kungafiki kwisikrini sekhompyuter yakhe. Kuyakufuneka ukuba afumane iiglasi zamehlo ezomeleleyo ukuze akwazi ukubona ngokucacileyo isikrini sekhompyuter. Ukubona wakhe kunye nokuqwalaselwa kwakhe kuyinto enye—zombini azisebenzi kakuhle ziya zisiba buthathaka.

Umntu osebenza ngomatshini okanye ikhompyuter okanye iincwadi okanye izinto ezisoloko zikumgama osisigxina kuye ushiya umsebenzi wakhe aze azame ukugcina ingqalelo yakhe ihleli ngqo apho umsebenzi wakhe ubukho. Ngamanye amagama, ingqalelo yakhe ayiwushiyi tu umsebenzi wakhe. Nangona egoduka, enyanisweni uhlala “eofisini.” Ingqalelo yakhe izinze kwindawo asebenza kuyo. Kwakhona, ukuba indawo ebesebenza kuyo kunye nekhaya lakhe ziyafana nokwenzakala okuthile okanye ingozi (kwaye ngubani ongenayo enye yezi, ubuncinci?) uqalisa ukuziva ebuthathaka okanye ediniwe.

Ingaba lukhona unyango loku? Yi Scientologist eqeqeshiweyo kuphela enokuthi abucime ngokupheleleyo obu bunzima, kodwa umsebenzi unayo into anokuyenza.

Nokuba ungumntu ophethe imali, okanye umabhalana, okanye olawulayo okanye umntu osebenzisa umatshini, into ephosakeleyo kukuba ushiye umsebenzi, ugoduke, uhlale phantsi ulungiselele ingqalelo yakho kwinto engaphezulu. okanye ungaphantsi kumgama ofanayo nalowo ujonga uhlala usebenza.

Kwimeko yomphathi ophethe iqela lamadoda kwindawo yokusebenzela, umzekelo, ukuba uhlala ethetha nabantu kumgama othile ukusuka kuye ebanika imiyalelo yokwenza izinto, into engalunganga kuye anokuyenza kukugoduka aze athethe nenkosikazi yakhe kulo mgama. Into elandelayo, iya kufumana imiyalelo ngokungathi lilungu leqela lasemsebenzini wakhe!

Into embi kukugoduka kuhlale phantsi ufunde iphepha ndaba, udle isidlo sangokuhlwa ugqibe uyokulala. Ukuba umntu ebeziqhelise ukusebenza imini yonke aze ahlale phantsi “ukuze aphumle” ngencwadi okanye ngephephandaba ngokuhlwa, kuyacaca ukuba, kungekudala, uyakuziva ediniwe. Kwaye ke, emva kwethuba, imeko ayibintle koko aze angazibuzi nokuba kutheni angamameli nokuvuma kwakhe engafuni ukwenza izinto ezazikhe zalula kuye.

Ingaba ikho into efanelekileyo enokwenziwa? Ewe ikho. Umntu osoloko ingqalelo yakhe izinze entweni ethile okanye kumgama othile ukusuka emehlweni akhe ngexesha lomsebenzi kufuneka azinzise ingqalelo yakhe kwindawo eyahlukileyo emva kweeyure zomsebenzi.